29, ივლისი 2021 21:30:00
მოზარდობის, ანუ გარდატეხის ასაკი- ყველაზე ხშირად განხილვადი საკითხი ფსიქოლოგიაში. მშობლების უმრავლესობა ამ პერიოდს და მასთან დაკავშირებულ პრობლემებს შიშით ელოდება. რა ხდება ამ დროს მოზარდის ორგანიზმში და ტვინში?რა პრობლემები ჩნდება მშობლებთან ურთიერთობებში და როგორ შეიძლება მათი გადალახვა?
თამთა ბერიძეს გარეგნული ცვლილებები 15 წლის ასაკში დაეწყო. მოზარდი ვიზუალით უკმაყოფილო იყო. ვერ ეგუებოდა სახეზე გამონაყარს, დაეწყო ჭარბთმიანობა. ყველაფერს ერთვოდა ისიც, რომ თანატოლებთან შედარებით სიმაღლეში სწრაფად არ იზრდებოდა. ყოველივე ამან თინეიჯერში ჩაკეტილობა გამოიწვია. თავს კომფორტულად, მხოლოდ, მარტოობისას გრძნობდა.
ვიზუალის გამო, უკმაყოფილებით, მოზარდებს ფსიქოლოგიური პრობლემები ეწყებათ. ეცვლებათ ხასაითი, ხდებიან მგრძნობიარეები და აგრესიულები. თამთა, სწორედ, ახლა დგას გარდატეხის ასაკის იმ გამომწვევების წინაშე როგორიცაა, ბულინგი. იგი მიიჩნევს, რომ იმაზე უფრო დიდი ასაკის გარეგნობა აქვს ვდრე არის, ამას კი ზედმეტ წონას უკავშირებს.
ბავშვთა საკითხებზე მომუშავე ორგანიზაციებში ამბობენ, რომ მოზარდები მშობლების განსაკუთრებული ყურადღების ქვეშ უნდა იყვნენ. ამ ასაკში, როგორც გოგოები, ასევე ბიჭები ერთნაირად მგრძნობიარეები არიან. აღარ აინტერესებთ მშობლის აზრი. თუმცა უფროსები მაინც უნდა გამოხატავდნენ მათ მიმართ ყურადრებას. ხაზსუნდა უსვამდნენ მის გარეგნულ და პიროვნულ დადებთ მხარეებს. უნდა გააცნობიერებინონ, რომ ადამაინები ინდივიდუალურები არიან და გარეგნული განვთარების პროცესებიც, სხვადასგვარად მიმდინარეობს.
მშობლებთან ერთად, პროცესში, სკოლის განსაკუთრებულ როლს ხედავენ ფსიქოლოგები. მათი თქმით, შვილების მოზარდობის პერიოდთან მიმართებაში მათ ირგვლივ მყოფ უფროს თაობას, მოთმინება მართებთ. მნიშვნელოვანია, რომ ოჯახის წევრებმა, მათ გარკვეულწილად დამოუკიდებლობა მისცენ, თუმცა, საჭიროების შემთხვევაში, აგრძნობინონ, რომ მათი მხარდაჭერა აქვთ.
სპეციალისტები ამბობენ, რომ მოზარდის მშობლისგან ინფორმირებულობა, ფიზიოლოგიური ცვლილებების პერიოდამდე უნდა დაიწყოს. აუხსნან, რომ პროცესი ბუნებრივია და რომ ის ყველა ინდივიდის ცხოვრებაში არსებობს. ბავშვებთან შემხებლობაში მყოფმა პირებმა, მათი თვითშეფასების დაქვეითება არ უნდა დაუშვან.
გარდატეხის პერიოდი ყველა მოზარდის ცხოვრებაში დგება. იგი დაახლოებით, 12-13 წლის ასაკში იწყება და 18 წლისას სრულდება. ამ პერიოდის ხანგრძლივობა ისევე, როგორც მისი გამოვლინებები, ინდივიდუალურია.