„ბათუმის რესპუბლიკური საავადმყოფო“ რამდენიმე თვე არ იფუნქციონირებს. მიზეზად ტექნიკური სამუშაოები და ძველი შენობების დემონტაჟი სახელდება. გადაწყვეტილებით პერსონალი უკმაყოფილოა. მათი თქმით, შენობის დანგრევის შესახებ დღეს გაიგეს და შიშობენ, რომ სამსახურის გარეშე დარჩებიან.
რა ბედი ეწევა აქ მომუშავე 540 თანამშრომელს ჯერჯერობით უცნობია. კონკრეტული პასუხი, არც დაწესებულების მენეჯმენტში აქვთ. ის, რომ საავადმყოფო დროებით ფუნციონირებას შეწყვეტდა ამის შესახებს თანამშრომლები თავიდანვე ინფორმირებულები იყვნენ - ირწმუნება დირექტორი მალხაზ ნაკაშიძე.
აჭარის ჯანდაცვის მინისტრის განცხადებით , უსაფრთხოებისა და პაციენტის უფლებების დაცვის მიზნით საავადმყოფოს დროებით დახურვაა აუციელბელი. ზაალ მიქელაძის თქმით, ამ შემთხვევაში პაციენტები სხვა სამედიცინო დაწესებულებებს მიმართავენ, სადაც მისი ვარაუდით, პერსონალის დამატების საჭიროებაც გახდება. თუმცა მინისტრი იმასაც ამბობს, რომ კერძო კლინიკებს სამინისტრო მედპერსონალის მიღებას ვერ დაავალებს.
შპს „სტადიონის“ წარმომადგენლის განცახდებით, საავადმყოფოს ძველი შენობის დემონტაჟი, რომელსაც 6 თვე დასჭირდება, პროცესი რამდენიემე თვეში დაიწყება. გეგმის მიხედვით კი ახალი კლინიკის მშენებლობა 2018 წლის 1 აპრილამდე უნდა დასრულდეს.
რამ გამოიწვია გაუგებრობა ახალი საავადმყოფოს სამშენნებლო სამუშაოებთან დაკავშირებით, აჭარის ფინანსთა და ეკონომიკის სამინისტროში კომენტარი არ გააკეთეს. თუმცა თემით აჭარის მთავრობის თავმჯდომარე მთავრობის სხდომაზე გუშინ დაინტერესდა და რეგიონის ფინანსთა და ეკონომიკის მინისტრს ექიმებთან მოლაპარაკებისკენ მოუწოდა. თუკი საკითხი დროულად არ მოგვარდება მედიკოსები აქციებით იმუქრებიან.
40
s
s
s