ხმაური იყო საკრებულოს დღევანდელ სხდომაზე. დეპუტატებმა რამდენიმე საკითხზე იმსჯელეს და იკამათეს. რაზე ვერ შეთანხმდა უმრავლესობა და უმცირესობა?
სწორედ ამ საკითხს მოჰყვა ხმაური და ურთიერთბრალდებები საკრებულოს სხოდმათა დარბაზში. თავმჯდომარემ თორნიკე რიჟვაძის მიერ გაკეთებულ განცხადებას ,,ვაჟკაცური“ უწოდა. სულიკო თებიძემ პოლიტიკურ ოპონენტებს გაერთიანებული ოპოზიციის ერთ -ერთი წევრის, მიერ გაკეთებულ განცხადებაზე, ბოდიშის მოხდა ურჩია.
განცხადებების გაკეთების შემდეგ, დეპუტატებმა ქალაქის მიმდინარე წლის ბიუჯეტში შესატან ცვლილებებს უყარეს კენჭი.კერძოდ, ბათუმის მუნიციპალიტეტის ბიუჯეტი 1 362 ათასი ლარით გაიზარდა. ცვლილება სახელმწიფო ბიუჯეტიდან სპეციალური ტრანსფერის ხარჯზე მოხდა. თანხა ქალაქში წყლისა და კანალიზაციის რეაბილიტაციას მოხმარდება. ცვლილება შევიდა მერიის ინფრასტრუქტურულ ღონისძიებათა ნუსხაშიც. მიმდინარე წელს დაგეგმილი სამუშაოებიდან, დაახლეობით 5 მილიონი ლარის ღირებულების თანხის გახარჯვა, მომდევნო წელს მოხდება.
ცვლილება მიუღებელია საკრებულოს ოპოზიციონერი დეპუტატებისთვის. ისინი მიმდინარე წელს განსახორციელებელი სამუშაოებისთვის გამოყოფილი თანხების გაუხარჯველობას, მერიის უმოქმედობას აბრალებენ.
ბათუმის მერიაში, რამდენიმე სამსახურში, საშტატო რანგი ამაღლდა. ცვლილება საკონკურსო წესით შესარჩევ, 9 ვაკანტურ პოზიციას შეეხო.
საკრებულოს დეპუტატებს დღეს კიდევ ერთ საკითხზე, ბათუმში, რამდენიმე მისამართზე მცოხვრები მოსახლეობის, დროებით ქირით გაიყვანაზე უნდა ემსჯელა. დოკუმენტის არასათანადო მომზადების გამო, საკითთხის განხილვა გადაიდო. დეპუტატებმა დღის წესრიგით გათვალისწინებულ სამ საკითხზე იმსჯელეს.
7
s
s
s