17, იანვარი 2019 20:04:00
როგორც უკვე სიუჟეტიდან გავიგეთ, ბოლო წლების განმავლობაში ბუნებრივი აირის აფეთქების შემთხვევებმა რეგიონში იმატა. იკვეთება თუ არა მომმარაგებელი კომპანიის ბრალეულობა? რა განმარტებები კეთდება სოკარ ჯორჯია გაზი აჭარაში, რომელიც ბუნებრივი აირის ერთადერთი მიმწოდებელია?
ბუნებრივი აირის აფეთქების არაერთი შემთხვევა დაფიქსირდა აჭარაშიც. მიუხედავად ამისა, სოკარ ჯორჯია აჭარაში ამბობენ, რომ არც ერთ მათგანში განაწილების ლიცენზიანტის ბრალეულობა არ იკვეთება. ენერგეტიკის ექსპერტთა ნაწილი მიიჩნევს, რომ გაზი ფოლადის მილში უნდა გადიოდეს. კომპანია კი ფოლადთან ერთად, პოლიეთილენის მილსაც იყენებს.
სოკარ ჯორჯია გაზში ირწმუნებიან, რომ მილების შედუღება მაღალკვალიფიციურ დონეზე ხდება. გელა სირაძის თქმით, კუსტარულად გაყვანილი გაზის მილების აღმოჩენის შემთხვევაში, მოქალაქეს გაზის მიწოდებას უწყვეტენ.
კომპანიის იურისტი ირწმუნება, რომ შესაბამისი შემოწმების გარეშე, პირის აბონენტად აყვანა არ ხდება, მათთან დასაქმებული ყველა თანამშორომელს კი შესაბამისი კვალიფიკაცია აქვს.
კომპანიაში იმასაც აცხადებენ, რომ ვიდრე აბონეტს ქსელში ჩართავენ, შესაბამის რეკომენდაციას გასცემენ. ბუნებრივი აირის სუნის არსებობის შემთხვევაში კი, მოქალაქეებს, კომპანიის ცხელ ხაზზე დარეკვისკენ მოუწოდებენ.