კულტურული მემკვიდრეობის დაცვის სააგენტოს ზონალური საბჭოს გაუქმება და ამავე საბჭოს მიერ გაცემულ ნებართვებზე მორატორიუმის გამოცხადება- მოძრაობა „დაიცავი ბათუმის“ წევრები ადგილობრივ ხელისუფლებას ულტიმატუმს უყენებენ. წინააღმდეგ შემთხვევაში მასშტაბურ აქციებს აანონსებენ. რა პასუხი გაეცა პრეტენზიებს ?
ინვესტორებთან კორუფციულ გარიგებაში შესვლა, ან ზემდგომი უწყებების გავლენების ქვეშ მოქცევა - მოძრაობა „დაიცავი ბათუმში“ ფიქორბენ, რომ სწორედ ეს არის მიზეზები, რის გამოც ქალაქისთვის სასარგებლო გადაწყვეტილებების მიღებას ვერ ახერხებენ. მოძრაობაში მაგალითად ნავსადგურის ტერიტორიაზე ქიმიური ტერმინალის აშენება მოჰყავთ. აქ ფიქრობენ, რომ გარემოზე ზემოქმედების შეფასების ანგარიშის გარეშე მერმა ნებართვას ხელი არ უნდა მოაწეროს.
დღეს გამართულ ბრიფინგზე, „დაიცავი ბათუმის“ წევრებმა „გეოგრაფიკის“ მიერ მომზადებულ დოკუმენტზეც ისაუბრეს, რომლის მიხედვითაც, რივიერას მიმდებარე ტერიტორია ბათუმის ისტორიული ზონის საზღვრებში შედიოდა და რომელიც ქალაქის სახე;ლმძღვანელო დოკუმნეტი უნდა ყოპფილიყო. საბუთი კი, რომელიც საბოლოოოდ ბათუმის თვითმმართველობამ დაამტკიცა, სხვ გვარია და რივიერას ტერიტორია, ისტორიული დაცვის ზონაიდან ამოღებულია. აღნიშნულ ტერიტორიაზე კი „სილქ როუდ ჯგუფი“ ექვსი მაღლივი კორპუსის აშენებას აპირებს.
„დაიცავლი ბათუმი“ აჭარის მთავრობისგან ზონალური საბჭოს გაუქმებასაც ითხოვს. აქ ფიქრობენ, რომ საბჭოს მიერ ბოლო დროს მიღებული გადწყვეტილებები, კულტურული მემკვიდრეობის დაცვას არ ემსახურება. მრავლად მოჰყავთ მაგალითებიც. მათ შორის: მაზნიაშვილის #17-სა და ჟორდანიას #27-ში არსებული ისტორიული სახლების დანგრევა, ასევე „ალიანსს გრუპზე“ 5 სართულიანი სასტუმროს აშენების ნებართვის გაცემა და სხვა. „დაიცავი ბათუმის„ წევრები საბჭოს მიერ გაცემულ გადაწყვეტილებებზე მორატორიუმის გამოცხადებასაც ითხოვენ.
წლების განმავლობაში ქალაქისთვის უცვლელ გამოწვევებზე უცვლელია მესამე სექტორის შენიშვნები და რეკომენდაციები. აჭარის მთავრობისა და ბათუმის მერიის მიმართ გამოთქმულ შენიშვნებს არასამთავრობო ორგანიზაციების წარმომადგენლები ამჯერადაც ემხრობიან.
ზონალური საბჭოს გაუქმებასთან დაკავშირებით აჭარის მთავრობაში კომენტარი არ გააკეთეს. საინიციატივო ჯგუფის წევრებს მერიაში წერილობით უპასუხეს.
მოძრაობა „დაიცავი ბათუმის“ წევრები 17 თებერვალს 14:00 საათზე ვარდების სკვერში საპროტესტო აქციას აანონსებენ.
13
s
s
s