ბათუმის საერთაშორისო საუნივერსიტეტო ჰოსპიტალის დირექტორის სამედიცინო დაწესებულების ყოფილ ხელმძღვანელობას თანამშრომლების დაშანტაჟებაში სდებს ბრალს. ისმეთ დინდარი აცხადებს, რომ ყოფილმა დირექტორებმა მედიკოსებს სამუშაო კაბინეტებში მუქარის შემცველი წერილები დაახვედრეს, სადაც აღნიშნულია, რომ იმ შემთხვევაში თუ დინდარის განკარგულებებს დაემორჩილებიან, სამსახურს დაკარგავენ. მოქმედმა ხელმძღვანელმა სასამართლოს მიმართა, რათა სამართლადამცავებმა გამოიძიონ, როგორ მოხვდა აღნიშნული წერილები სამედიცინო დაწესებულებაში. შეგასხენებთ, რომ ფინანსური პრობლემების გამო 2017 წლის ბოლომდე ხელმძღვანელობამ ექიმებს 15% -ით ნაკლები ხელფასის გადახდა შესთავაზა. რამდენიმე ექიმი სამსახურიდან გაათავისუფლა, ნაწილს ხელშეკრულების პირობები შეუცვალა, რასაც პროტესტი მოჰყვა. ერთერთი გათავისუფლებული ექიმი თემურ გაბაიძე აცხადებს, რომ ჰოსპიტალის ხელმძღვანელობა მრავალწლიან გათვლას ვერ აკეთებს, მოწვეული უცხოელი ექიმების კვალიფიკაცია დაბალია და ამ მიზეზების გამო ,,ბაუს“ მომავალი არ აქვს. დირექტორი კი აცხადებს, რომ ჰოსპიტალში ყველა განყოფილება შეუფერხებლად მუშაობს და სახელმწიფო პროგრამებითაც ძველებურად სარგებლობენ. ,,მაცნე“ ჰოსპიტალის უფლებამოსილება შეჩერებული დირექტორების თუღრულ თოქმანის და მეჰმეტ ჯან ასლანჯას ადვოკატსაც დაუკავშირდა, რომელმაც აღნიშნულზე საუბრისგან თავი შეიკავა.
1
s
s
s