მძიმე ტონაჟობის სატვირთოები, რომლებიც გზებზე საფრთეებს ქმნიან. კონტროლდება თუ არა ქვის ლოდებით დატვირთული ავტომობილების მოძრაობა? გვიცავს თუ არა სახელმწიფო უბრალო მოქალაქეებს, ანუ ტარდება თუ არა ზომები და ჯარიმდებიან თუ არა კანონდამრღვევი მძღოლები, რომლებიც სპეციალური სამაგრების გარეშე ახდენენ ტვირთის ტრანსპორტირებას?
27 ოქტომბერი, 2018 წელი. მძიმე ლოდებით დატვირთული ავტომობილი მახინჯაურში, ბოტანიკური ბაღის მიმდებარე ტერიტორიაზე გადაბრუნდა. შემთხვევის შედეგად მძღოლი დაშავდა.
მალხაზ ოტოლაძე ამ შემთხვევის თვითმხილველი იყო. იხსენებს, რომ სატვირთოს უკან მოძრაობდა, მუხრუჭი დროულად, რომ არ გამოეყენებინა, შესაძლოა საფრთხის ქვეშ მისი სიცოცხლეც დამდგარიყო.
ეს კადრები კი გუშინ, არის გადაღებული. მიუხედავად იმისა, რომ მძიმე ლოდების ტრანსპორტირება სპეციალური სამაგრების გარეშე საფრთხეებთან არის დაკავშირებული, სატვირთოები ცენტრალურ გზებზე გადაადგილდებიან და მძღოლების მტკიცებით, ხშირ შემთხვევაში ავარიულ სუტუაციებს ქმნიან.
რისკებზე საუბრობენ გარემოს დამცველებიც. კახაბერ გუჩმანიძე აუცილებლად მიიჩნევს სატვირთო ავტომობილების გადაადგილების სიჩქარისა და ლოდების სიმძიმის კონტროლსაც.
კიდევ ერთი პრობლემა, რომელზეც მესამე სექტორში საუბრობენ, მაკონტროლებელი ორგანოს არარსებობაა. „დემოკრატიის ინსტიტუტში“ ამბობენ, რომ სპეციალური სასწორების პრაქტიკა გამართლებული იყო.
ჯარიმდებიან თუ არა სატვირთოების მძღოლები, რომლებიც მძიმე ქვების ტრანსპორტირებას ახდენენ? ხელვაჩაურის მერი ამბობს, რომ გასულ წელს ამ მიმართულებით კანონდამრღვევები არ გამოუველნიათ.
მძიმე ტონაჟობის სატვირთოებს მსგავსიტიპის მასალების გადაზიდვის ლიცენზიას აჭარის ფინანსთა და ეკონომიკის სამინისიტრო გასცემს. პასუხისმგებელ უწყებაში სატელევიზო კომენტარი არ გააკეთეს. პირად საუბარში კი განმარტეს, რომ დოკუმენტს გარემოს დაცვითი ზედამხედველობის დეპარტამენტის რეკომენდაციის საფუძველზე იძლევიან, რასაც ამ უკანასკნელში არ ადასტურებენ.
მძიმე ტონაჟობის სატვირთოების მოძრაობას საავტომობილო გზებზე საპატრულო პოლიცია აკონტროლებს. დოკუმენტი, რომელიც მოძრაობასა და მასალის სიმძიმეს არეგულირებს, შინაგან საქმეთა სამინისტროდან არ მოგვაწოდეს.
14
s
s
s