02, აპრილი 2019 17:06:00
აუტიზმის შესახებ ცნობიერების ამაღლების მსოფლიო დღესთან დაკავშირებით აჭარის მთავრობის წარმომადგენლები ბათუმის N13-ე საჯარო სკოლში იმყოფებოდნენ. სასწავლო დაწესებულებაში შეიქმნა სპეციალური ჯგუფი, რომელიც 10 აუტისტური სპექტრის მქონე მოსწავლითაა დაკომპლექტებული. დაწესებულებაში შექმნილია შშმ ბავშვებზე მორგებული, სასწავლო პროცესისათვის სათანადო პირობები და გარემო. პროგრამა განათლების ეროვნულ სასწავლო გეგმას ეფუძნება და აუტისტური სპექტრის დარღვევის მქონე ბავშვების საჭიროებებზეა ორიენტირებული.