20, მარტი 2017 20:41:00
სოციალურ სახლში ეკომიგრანტთა შეჭრას და ბინების თვითნებურ დაკავებას არასამათავრობო ორგანიზაცია ,,დემოკრატიის ინსტიტუტი“ ეხმიანება. არჩილ ხახუტაიშვილი აცხადებს, რომ სახელმწიფოს მსგავსი პრობლემების მქონე ოჯახების მიმართ თანმიმდევრული პოლიტიკა უნდა გააჩნდეს. მისივე თქმით, თუ ხელისუფლების მიერ ეკომიგრანტების ბინებით დაკმაყოფილება საინფორმაციო ბაზის და განაცხადების გვერდის ავლით მოხდება, ეს შესაძლოა პრეცენდენტად იქცეს და ეკომიგრანტებს უკანონო მეთოდების გამოყენებისკენ უბიძგოს. შეგახსენებთ, რომ თამარის დასახლებაში მდებარე სოციალურ სახლში ბინების დაკავების მიზნით, ეკომიგრანტები სამი დღის წინ შეიჭრნენ. თუმცა, მთავრობისაგან მიღებული დაპირების შემდეგ, რომ მათ საკითხს უახლოეს ხანებში შეისწავლიან, თვითნებურად დაკავებული ბინები დატოვეს. ეკომიგრანტთა პრობლემის შესწავლას შუახევის მუნიციპალიტეტში მთავრობა დღეს იწყებს.