30, ივლისი 2019 18:36:00
გერმანული ბრენდი „კერხერი“, მსოფლიო ლიდერია დასუფთავების ტექნიკის წარმოებაში. კომპანია წლებია მსოფლიო ძეგლების წმენდით სამუშაოებს ახორციელებს, მათი პირვანდელი სახის შენარჩუნების მიზნით. ეს პროექტები კომპანიის კორპორატიული სოციალური პასუხისმგებლობის ფარგლებში ხორციელდება და პროფესიონალთა გუნდი აწარმოებს, რომლებიც პროცესში, მათ მიერ წარმოებულ, უმაღლესი ხარისხის აპარატებს იყენებენ.
გერმანული ბრენდის წარმომადგენლობა საქართველოში „კერხერ საქართველო“, 3 წელია ოპერირებს. კომპანია იზიარებს საკუთარ წილ კორპორატიულ სოციალურ პასუხისმგებლობას და ქართული არქიტექტურულ-ისტორიული ძეგლების დასუფთავებას ტრადიციად ნერგავს.
ბათუმში, მსგავსი პროექტი, პირველად ხორციელდება. კომპანიამ, ილია ჭავჭავაძის ძეგლის წმენდითი სამუშაოები ჩაატარა. ღონისძიება კერხერის ოფიციალურმა წარმომადგენლობამ, ბათუმის გუნდთან ერთად, მერიის და შპს „სანდასუფთავების“ ტექნიკური მხარდაჭერით განახორციელა.
კომპანია „კერხერი“ უახლოეს მომავალში, ბათუმის შადრევნების წმენდით სამუშაოებსაც გეგმავს. ორგანიზაციის წარმომადგენელები პირობას დებენ, რომ მსგავსი პროექტები ფართო ხასიათს მიიღებს და სამომავლოდ, საკუთარი გუნდით, ქვეყნისთვის მრავალ სასიკეთო საქმეს განახორციელებს.