25, ოქტომბერი 2019 20:35:00
ბათუმელობა, როგორც სავიზიტო ბარათი და ლექსები, რომელიც ამ ქალაქს მიუძღვნა. რეზო სტურუამ პოეზიაში ტექნიკური მეცნიერებიდან გადაინაცვლა. დღეს მისი რჩეული ლექსების პრეზენტაცია მწერალთა სახლში გაიმართა.
რეზო სტურუა პოეზიაში, ტექნიკური მეცნიერებიდან მოვიდა. მის ერთ-ერთ კრებულს "n+1" ჰქვია. ეს სათაური მისი შემოქმედების თანმიმდევრულობასა და უწყვეტობას განსაზღვრავს.
მიუხედავად იმისა, რომ სკოლის დამთავრების შემდეგ ბათუმიდან წავიდა და უკვე 62 წელია თბილისში ცხოვრობს, ამბობს რომ თბილისელი ვერ გახდა. პოეტისთვის ბათუმელობა სავიზიტო ბარათია. მისი ლექსების დიდი ნაწილი, სწორედ ბათუმს და ბათუმელებს ეძღვნებათ.
რეზო სტურუას შემოქმედებაში მრავლადაა მიძღვნითი ხასიათის ლექსები, სადაც, მისი ინტელექტიდან გამომდინარე ადრესატის შინაგან სამყაროს ნათლად ხატავს. მისი პოეზია ოთხფეხა მეგობრის „რონიკოს“ მიმართ მიძღვნილ სტრიქონებსაც მოიცავს. პოეტი იხსენებს, როგორ განიცადა ერთგული მეგობრის დაკარგვა.
მრავალწლიანი პროფესურული მოღვაწეობისა და ბიზნეს საქმიანობის მიუხედავად, ძირითად დროს პოეზიას უთმობს. რა ადგილი უჭირავს პოეზიას რეზო სტურუას ცხოვრებაში? კითხვას ტიციანის ლექსით, ასე, პასუხობს:
მეგობრები ამბობენ, რომ პოეტის შემოქმედება კოსმოსს და სამყაროს მოიცავს. ცისანა ანთაძის შეფასებით, ბათუმზე უზომოდ შეყვარებული პოეტის ლექსების თემატიკა მრავალფეროვანი და უდიდესი მხატვრული ღირებულებისაა.
რეზო სტურუა ათამდე კრებულის ავტორია. წიგნში, რომლის პრეზენტაციაც დღევანდელ საღამოზე შედგა, პოეტის რჩეული ლექსებია შესული.