მეორეული ტანსაცმელი გაძვირდა. მოვაჭრეები კორონავირუსის პანდემიამიის შედეგად გამოწვეულ მძიმე ფინანსური მდგომარეობაზე საუბრობენ. საუბრობენ მომხმარებელთა რიცხვის შემცირებაზეც. მეწარმეთა უმრავლესობამ მუშაობაც კი შეაჩერა. კიდევ რა პრობლემები აქვთ თვითდასაქმებულებს? ჩემი კოლეგა არკვევდა.
მაყვალა დავითაძე მეურეული ტანსაცმლით უკვე 12 წელია ვაჭრობს. ამ პერიოდის განმავლობაში მცირე მეწარმე მსგავს მძიმე ფინანსურ მდგომარეობას ვერ იხსენებს. უჩივის მყიდველთა რაოდენობას. ამბობს, რომ პანდემიის შემდგომ მოსახლეობას უკვე გამოყენებული ტანსაცმლის ყიდვაც კი უჭირს. შემცირებული შემოსავლები კი მისს ბიზნესს აზარალებს. თუკი ადრე, ქვეყანაში იმპორტირებული სამოსის კილოგრამს 7-8 ლარად ყიდულობდა, ახლა 25 ლარის გადახდა უწევს, ანუ ასაღები ფასი თითქმის სამჯერ გაიზარდა
მაყვალას მსგავსად პანდემიამ შემოსავლები შეუმცირა სხვა მცირე მეწარმეებსაც. ე.წ ხოფის დასახლების ტერიტორიაზე კორონავირუსმა მოვაჭრეთა მდგომარეობა იმდენად გაართულა, რომ მათმა უმეტესობამ შეზღუდვების მოხსნიდან დღემდე მეორეული ტანსაცმლის ახალი პარტიის მიღება ვერ შეძლო. კიდევ ერთი თვითდასაქმებული გვიყვება, რომ ახლა პანდემიის ფონზე დაწესებული შეზღუდვების გამო დარჩენილი ძველი სამოსის ამოყიდვას ცდილობს, რომელზეც ჯერ -ჯერობით ფასები არ გაუზრდია, თუმცა სამომავლოდ ეს გარდაუვალი იქნება.
ამ ტერიტორიაზე მოვაჭრეებს მეორეული ტანსაცმელი ძირითადად ქუთაისიდან ჩამოაქვთ. ამბობენ, რომ მყიდველთა რაოდენობამ მკვეთრად იკლო, რის გამოც ბევრმა ვაჭრობა შეაჩერა.
მეორეული ტანსამლის მაღაზიებმა რამდენიმეთვიანი პაუზის შემდეგ, მუშაობა 1 ივნისს განაახლეს. ფასები იმაზეა დამოკიდებული, რომელი ქვეყნიდან შემოდის სამოსი. ყველაზე ძვირი ამერიკა-ბრიტანეთიდან იმპორტირებული პროდუქტი ღირს, შემდეგია გერმანია, ევროპის სხვა ქვეყნები და თურქეთი მოდის. საქართველოში 2020 წლის იანვარ-აპრილის მონაცემებით გასული წლის ანალოგიურ მაჩვენებელთან შედარებით მეორეული სამოსის იმპორტი შემცირდა. ქვეყანამ აღნიშნულ პერიოდში 5,557 მილიონი დოლარის ღირებულების, შარშან კი 6,529 მილიონი დოლარის იმპორტი განახორციელა. იმპორტირებული მეორეული ტანსაცმლის 29% თურქეთზე მოდის.
2
s
s
s