23, იანვარი 2017 11:23:00
„ერთიანი ნაციონალური მოძრაობა“ ტურიზმის დეპარტამენტის ახალ პროექტს იწუნებს. პარტიაში აცხადებენ, რომ პროექტ „ტურიზმის განვითარების სკოლისთვის“ ბიუჯეტიდან თანხები არამიზნობრივად დაიხარჯება. გია აბულაძის მტკიცებით, პროექტი კადრების გადამზადებას და ტრენინგებს ითვალისწინებს, ამ მიმართულებით კი განათლების სამინისტროსა და დასაქმების სააგენტოს ბიუჯეტში თანხები უკვე გათვალისწინებული აქვს. „ნაციონალური მოძრაობის“ ბრალდებას უპასუხეს ტურიზმის დეპარტამენტში. სულხან ღლონტის განცხადებით, პროგრამისთვის ბიუჯეტიდან დამატებით თანხები არ დაიხარჯება.