10, ივლისი 2017 14:13:00
აჭარის ჯანდაცვის სამინისტრომ სამედიცინო რეგულირების სააგენტოს ოფიციალური წერილით უკვე მიმართა. საქმე ორი დღის წინ ბათუმის რეფერალურ საავადმყოფოში გარდაცვლილი ქალის საკითხს ეხება. უწყება სააგენტოს პაციენტის ახლობლების პრეტენზიების საფუძველზე ფაქტის მოკვლევას თხოვს. იმ შემთხვევაში თუ მედიკოსების მხრიდან ადგილი ჰქონდა გულგრილობას სააგენტო კანონით გათვალისწინებულ ზომებს გაატარებს. რეფერალურ საავადმყოფოში გარდაცვლილი ნინი კაცაძის ახლობლები პარალელურად სასამართლოსთვის მიმართვას გეგმავენ. 34 წლის ქალმა სამედიცინო დაწესებულებაში კუჭზე გეგმიური ოპერაცია ერთი თვის წინ გაიკეთა, რის შემდეგაც მისი ჯანმრთელობის მდგომარეობა გაუარესდა. სამედიცინო რეგულირების სააგენტოში განმარტეს, რომ საავადმყოფოს შემოწმებას სავარაუდოდ ხვალ დაიწყებენ.