ერთ წელზე მეტია საქართველო ახალი კორონავირუსის გავრცელებით გამოწვეულ პანდემიასთან გამკლავებს ცდილობს. ბრძოლის ეფექტებს ხელშეუხებელი, სოციალური ურთიერთობების არცერთი სფერო დაუტოვებია. ყველაზე მეტად კი ადამიანის ძირითადი უფლებები დაზარალდა. სწორედ ამაზე მიუთითებს მესამე სექტორის მიერ ჩატარებული კვლევა. „ინფორმაციის თავისუფლების განვითარების ინსტიტუტი“ ასკვნის, რომ კითხვითი ნიშნები რამდენიმე მიმართულებით არსებობს.
პანდემიასთან ბრძოლას IDFI სამ ეტაპად ყოფს: საგანგებო მდგომარეობამდე, საგანგებო მდგომარეობისას და de facto საგანგებო მდგომარეობის პირობებში. ეს უკანასკნელი საქართველოში 2020 წლის 23 მაისიდან დაიწყო. ეს სწორედ ის პერიოდია, როცა პარლამენტმა ხელისუფლებას ვისუსის მართვა მთლიანად გადააბარა და ექსტრაორდინალურად დიდი უფლებამოსილება გადასცა. არასამთავრობო ორგანიზაციაში სწორედ ამას მიიჩნევენ პრობლემურად, ამის გარდა ხარვეზებს ხედავენ კომენდანტის საათთან მიმართებაში:
Covid რეგულაციების დარღვევისთვის დღემდე 112 991 ჯარიმა გამოიწერა. მათ შორის პირბადის წესის დარღევისთვის 93 ათასზე მეტი. IDFI- ში მიიჩნევენ, რომ მათი აბსოლუტური უმრავლესობა უკანონოა. ორგანიზაციაში ეჭვის თვალით უყურებენ იმ ფაქტსაც, რომ აგვისტოში შესუსტდა აღსრულების მექანიზმი და ქვეყნის მასშტაბით მხოლოდ 2 ეკონომიკური სუბიქტი დაჯარიმდა, მაშინ როცა სხვა დროს ეს ციფრი მაღალი იყო. ჯამში ჯარიმების საერთოდ მოცულობა 50 000 000 ლარს აჭარბებს.
კვლევაში აქცენტირებულია აღმასრულებელი ხელისუფლების მიერ პანდემიის მართვის პროცესში გამოკვეთილი ხარვეზები, მათ შორის დახურული უწყებათაშორისი საბჭოს სხდომები და საშვთა გაცემის ფორმალური და უთანასწორო სისტემა. პრობლემებზე ღიად საუბრობენ ბათუმის ქუჩაში გამოკითხული მოქალაქეებიც.
ოპოზიციაში მიიჩნევენ, რომ ხელისუფლებამ ვირუსის მართვის ბერკეტები პოლიტიკური ინტერესებისთვის გამოიყენა. „ერთიან ნაციონალურ მოძრაობაში“ ამბობენ, რომ დეფაქტო საგანგებო მდგომარეობის პირობებში ადამიანის უფლებები უხეშად ირღვევა.
მმართველი გუნდი თავს იმით იმართლებს, რომ დაწესებული შეზღუდვების შესახებ საზოგადოება ინფორმირებული იყო. ოცნების დეპუტატი ამბობს, რომ კომენდანტის საათი მსოფლიოში აპრობირებული მეთოდია.
„ინფორმაციის თავისუფლების განვითარების ინსტიტუტს“ რამდენიმე რეკომენდაცია აქვს. მათ შორისაა პარლამენტის ჩართულობის გაზრდის აუცილებლობა პანდემიისას ადამიანის ძირითად უფლებათა შეზღუდვის თვალსაზრისით, უწყებათაშორისი საბჭოს მუშაობის გამჭვირვალობა და თანასწორობის დაცვა კოვიდ-რეგულაციების შემოღებისა და აღსრულების პროცესში.
4
s
s
s