უნივერსიტეტის ყოფილი კანცლერი იმპიჩმენტის შემდეგ მედიის წინაშე ღიად ალაპარაკდა. ალექსანდრე მითაიშვილი ამტკიცებს, რომ მისი კანდიდატურა უბრალოდ „არ აწყობდათ“ და მის წინააღმდეგ საგანმანათლებლო დაწესებულების შიდა წრეები ორკესტრირებულად მოქმედებდნენ. ამას ადმინისტრაციის ყოფილი ხელმძღვანელი ერთადერთ მიზეზს უკავშირებს: მისი მტკიცებით, კონკრეტულმა პირებმა იგი ბსუ-ში არსებულ დარღვევებზე ხმამაღლა საუბრის გამო „დასაჯეს“. ალექსანდრე მითაიშვილთან ინტერვიუ ია გოლიაძემ ჩაწერა, რომელიც თემას თავად განაგრძობს.
დაწესებულების ირგვლივ ატეხილ სკანდალთან დაკავშირებით, ინტერვიუ უნივერსიტეტის ყოფილ კანცლერთან, იმპიჩმენტის თემაზე საუბრით დავიწყეთ. ალექსანდრე მითაიშვილი ბრალდებებს არაარგუმენტირებულსა და აბსურდს უწოდებს და გვიმტკიცებს, რომ მიზეზი ერთადერთი იყო: დაწესებულების შიდა წრეებისთვის მისი კანდიდატურა მის მიერვე დარღვევების აღმოჩენის გამო აღარ იყო მისაღები. კონკრეტულ სახელ-გვარებს არ ასახელებს, თუმცა კითხვაზე, ვინ მართავდა იმპიჩმენტის დაყენების პროცესს და იყო თუ არა ფარულ დაპირისპირებაში უნივერსიტეტის რექტორთან, ამბობს, რომ ეს ეჭვები რელობისგან შორს არ არის.
ალექსანდრე მითაიშვილი „მაცნეს“ უნივერსიტეტში არსებულ დარღვევებზე უყვება. მთავარ პრობლემად უცხოელი სტუდენტების საქმეს გამოყოფს. ყოფილი კანცლერი გვიყვება, რომ ინდოელ სტუდენტებს დაწესებულების დიდი დავალიანება დაუგროვდა, რაც მენეჯმენტის არასწორი საქმიანობის შედეგი იყო. აქვე ახსენებს იგივე საკითხებს, რაზეც რეპორტაჟი ჩვენ არაერთხელ მოვამზადეთ: დისკრიმინაციის ფაქტები, ხელშეკრულებების არარსებობა და სასწავლო პროცესის გაჭიანურება.
ყოფილი კანცლერი შეეხო მის გარშემო საწვავის ხარჯვასთან აგორებულ სკანდალსაც. თქვა, რომ ამ ნაწილში გარღვევა არ ყოფილა და ხმაური მიზანმიმართულად, მისთვის შავი პიარის გაკეთების მიზნით ატეხეს. ამას შიდა უდიტის დასკვნაც ადასტურებს, სადაც აღნიშნულია, რომ ბენზინის დაშვებული ლიმიტის ზემოთ გადახარჯვის ფაქტები არ ფიქსირდება.
წლიურ შიდა აუდიტორულ ანგარიშში მოხვდა ლექციების გაცდენისა და დაგვიანების ფაქტები, ასევე ლექციების ლექტორსა და დეკანს შორის სიტყვიერი შეთანხმების საფუძველზე ჩატარების შემთხვევებიც. სწორედ ალექსანდრე მითაიშვილი ამ უზუსტობაზე საუბრობს, რასაც სუსტ კონტროლს უკავშირებს.
მითაიშვილი კიდევ ერთ გარემოებას უსვამს ხაზს, იმას, რის გამოც სტამბის მუშაობა შეაჩერა.
და ბოლოს, ვკითხეთ, აქვს თუ არა მიმდინარე პროცესებს პოლიტიკური სარჩული. თქვა, რომ- არ. უფრო მეტიც, გამორიცხა კიდეც. ინტერვიუს დასრულებისას კი ვიკითხეთ ვინ არის მისი პრეტენზიების მთავარი ადრესატი.
საკუთარი უფლებების დაცვას ყოფილი კანცლერი სამართლებრივი გზით აპირებს. მართლმსაჯულებას ადმინისტრაციის ყოფილმა ხელმძღვანელმა უკვე მიმართა.
1
_1.jpg)
s
s
s