26, ივლისი 2017 17:09:00
საქართველოს ეროვნული ბანკი მონეტარული პოლიტიკის განაკვეთს უცვლელად 7 პროცენტზე ტოვებს. გადაწყვეტილება დღეს, ბათუმში გამართულ კომიტეტის სხდომაზე მიიღეს. აღნიშნულის შესახებ მედიას ინფორმაცია საქართველოს ეროვნული ბანკის პრეზიდენტმა კობა გვენეტაძემ გააცნო. მისი განცხადებით, მიმდინარე წლის პირველ ნახევარში ეკონომიკური ზრდის ინდიკატორები მოსალოდნელზე უფრო მაღალ ზრდაზე მიუთითებს. ბანკების მხრიდან ეკონომიკის დაკრედიტების ზრდა დაახლოებით 15% ის ფარგლებშია, რაც არსებულ მაკროეკონომიკურ პროგნოზებთან შესაბამისობაშია. მონეტარული პოლიტიკის კომიტეტის მომდევნო სხდომა 6 სექტემბერს გაიმართება.