მარტოხელა ქალი, რომელიც უკიდურეს სიღარიბეს ებრძვის. გულნაზ ფერაძეს, ყოველდღიურ გაჭირვებასთგან ბრძოლა შიშველი ხელებით უწევს. სიდუხჭირეს კი მძიმე ჯანმრთელობის მდგომარეობა ემატება. ერთდაერთი რაც გააჩნია საცხოვრებელი სახლია. სახლი რომელიც მხოლოდ კედლებია. მიაჩნია, რომ თუკი ბინას გაყიდის მისი ყოფა გაუმჯობესდება. თუმცა იპოთეკით დატვირთული საცხოვრებლის გაყიდვა უჭირს. გულნაზ ფერაძის მძიმე ყოველდღიურობა ჩვენს სიუჟეტში.
გულნაზ ფერაძე ერთ-ერთია, ვინც უკიდურესმა სიდუხჭირემ აალაპარაკა. 44 წლის ქალი ყოველდღიურად გაუსაძლის სიღარიბეს ებრძვის. სახლში, სადაც იგი ცხოვრობს, მხოლოდ კედლებია დარჩენილი. არ აქვს სველი წერტილები. ავეჯის და საყოფაცხოვრებო ნივთების გარეშე დარჩენილი კი, ვერც კომუნალური სერვისებით სარგებლობს.
საცხოვრებელი ამ მდგომარეობამდე შარშან, ხანძრის გაჩენის შედეგად მივიდა. გულნაზ ფერაძემ რემონტისთვის საჭირო თანხების მოძიება ვერ შეძლო, სწორედ ამიტომ ბინა იპოთეკით დატვირთა. ამ გზით მიღებული ფული კი დედის მკურნალობას მოახმარა. მარტოხელა ქალი, ახლა, დოლარში აღებული სესხის დაფარვას უსახსრობის გამო ვეღარ ახერხებს. იგი სიცოცხლისთვის შეუსაბამო პირობებში მარტო, სოციალური დახმარების იმედად რჩება.
გარდა სოციალური დახმარებისა, ინასარიძის 10 ნომერში მცხოვრებს დამატებით, 100 ლარიანი ჯანმრთელობის პენსია ერიცხება. ჯამში, მისი ყოველთვიური შემოსავალი 150 ლარს შეადგენს. ფული სამკურნალოდ არ ჰყოფნის და ამბობს, რომ შეთავათები არც მედიკამენტებზე ვრცელდება. მარტოხელა ქალი ონკოპაციენტია. აქვს მცოცავი დიაბეტიც.
იმის გამო, რომ გულნაზ ფერაძე სახლს ვერ არემონტებს, მსგავს პირობებში ცხოვრება კი შეუძლებელია, მოქალაქეს სურს, საცხოვრებელი გაყიდოს და მის ნაცვლად, პატარა შეიძინოს. ამაში ხელს ერთი გარემოება უშლის:
რატომ არ ინტერესდება გულნაზ ფერაძის მდგომარეობით ბათუმის მერია? უწყებაში გვითხრეს, რომ მოქალაქეს, დახმარების თხოვნით, მათთვის ოფიციალური წერილით არ მიუმართავს. შესაბამის სამსახურებზე მიმართვის შემთხვევაში კი, განცხადების შესწავლის საფუძველზე, დაეხმარებიან.
გულნაზ ფერაძე, რომელიც უკიდურეს გაჭირვებაში ცხოვრობს, სოციალურად დაუცველია. იგი სიმსივნითაა დაავადეუბული და სხვა მძიმე დაავადებებიც აწუხებს, მაგრამ საჭირო მედიკამენტების შეძენას, სახელმწიფოს მიერ დანიშნული პენსიით, ვერ ახერხებს. იგი უკვე რამდენიმე წელია ასეთ მდგომარეობაშია.
ჩვენთან საუბრისას ქალბატონი აღნიშნავს, რომ დიდი ხნის განმავლობაში ავადმყოფ დედას უვლიდა, მაგრამ უსაახსრობის გამო იგი დაიღუპა.
გულნაზ ფერაძე საცხოვრებელ ფართში უკვე მარტო ცხოვრობს, სადაც ელემენტარული ჰიგიენის დაცვის შესაძლებლობაც კი არ არსებობს, მათ შორის არც საპირფარეშო და არც ელექტროენერგია. ამ გაუსაძლის პირობებში ცხოვრება მას უკვე წლებია უწევს.
მისი თქმით, სახლი იპოთეკაშია და მევალეები ყოველდღე ითხოვენ თანხას. ერთადერთ გამოსავლად კი, სახლის კომერციულ ფართად გაყიდვა და იპოთეკის გადაფარვა ესახება. გულნაზმა, კიბის მომატებსს
1
s
s
s