26, იანვარი 2017 08:26:00
პეტიცია ქუჩის სახელწოდების შეცვლის მოთხოვნით. ბათუმელები ნურეთინ ჩარმიქლუს ქუჩისთვის სახელის გადარქმევას ითხოვენ, რადგან მიიჩნევენ, რომ ქუჩებს ამა თუ იმ პიროვნების სახელი ქვეყნის წინაშე მისი დამსახურებისთვის უნდა ერქმეოდეს, ჩარმიქლუს კი ეს პატივი არ დაუმსახურებია. საკრებულში მოთხოვნა უკვე დაფიქსირებულია. პეტიციის ავტორებმა წარმომადგენლობით ორგანოს ნურეთინ ჩარმიქლუს ქუჩის სახელის ჩასანაცვლებლად „ერთიანობის ქუჩა“, „მშვიდობის ქუჩა“ ან „ქართველი ჯარისკაცის ქუჩა“ შესთავაზეს. რუსთაველის ქუჩიდან გორგილაძის ქუჩამდე მონაკვეთს წარმოშობით ლაზი ბიზნესმენის ნურეთინ ჩარმიქლუს სახელი საკრებულოს გადაწყვეტილებით 2010 წელს მიენიჭა. ბიზნესმენის სახელს ბათუმში სასტუმრო „შერატონის“ მშენებლობა უკავშირდება.