26, იანვარი 2017 11:21:00
„ნაციონალური მოძრაობა“ ფინანსთა სამინისტროს წინააღმდეგ სარჩელს ამზადებს. ოპოზიციური პარტია სასამართლოს გზით შეეცდება უწყებამ ყოფილი სასოფლო-სამეურნეო ინსტიტუტის გასხვისებისთვის გამოცხადებული აუქციონი შეწყვიტოს. განცხადება რეზო ხარაზმა გააკეთა. პარტიის წევრი მოუწოდებს სამინისტროს, ასევე, ბათუმის სახელმწიფო უნივერსიტეტს, გადაწყვეტილებაზე კიდევ ერთხელ დაფიქრდნენ. ხარაზს მიაჩნია, რომ ობიექტი გაცილებით ძვირი ღირს. მისივე თქმით, ლეონიძის ქუჩაზე ის ტერიტორია, რომელსაც ქონების გასხვისების შემდეგ აჭარის მთავრობა უნივერსიტეტს ახალი კორპუსების მშენებლობისთვის სთავაზობს, ის ადგილია, სადაც მთავრობის გადაწყვეტილებით, ფიროსმანზე დემონტაჟის შემდეგ სპორტსკოლა უნდა აშენდეს. ფინანსთა სამინისტროში აცხადებენ, რომ ტერიტორია 90 000 კვადრატული მეტრია, რაც ორივე პროექტისთვის საკმარისია.