18, სექტემბერი 2017 20:03:00
კითხვაზე რა კრიტერიუმებით შეარჩია აჭარის მთავრობის თავმჯდომარემ სოფლის მეურნეობის ახალი მინისტრი? ზურაბ პატარაძე პასუხობს, რომ თანამდებობაზე ავთანდილ მესხიძე გამოცდილებისა და პროფესიანალიზმის გათვალისწინებით დაინიშნა. თუმცა მესხიძე, რომელიც 2012 წლიდან მინისტრის მოადგილედ მუშაობდა, საზოგადოებას ჟურნალისტებთან მომხდარი ინციდენტით დაამახსოვრა თავი. საქმე მედიის წარმოამდგენლებისთვის პროფესიული საქმიანობისას ხელშეშლის ფაქტებს ეხება. საკითხთან დაკავშირებით, პროკურატურაში განცხადებაც შევიდა. ავთანდილ მესხიძის ქმედებები აჭარის მთავრობაში შექმნილმა დისციპლინურმა კომისიამაც შეისწავლა და რამდენიმე დღით უფლებამოსილებაც შეუჩერა. შეგახსენებთ, 2015 წელს ქედაში აჭარის ტელევიზიის გადამღებ ჯგუფს სიტყვიერი და ფიზიკური შეურაცხყოფა მიაყენეს, ჟურნალისტის მტკიცებით, ინცინდენტში მონაწილეობდა ავთანდილ მესხიძეც. კიდევ ერთი შემთხვევა 2013 წლის დეკემბერში დაფიქსირდა - „TV 25“ - ის რეპორტიორმა სულხან მესხიძემ ავთანდილ მესხიძე მის მიმართ განხორციელებულ მუქარაში დაადანაშაულა. არასამთავრობო ორგანიზაციებმა აღნიშნული შემთხვევები ჟურნალისტურ საქმიანობაში ხელშეშლის ფაქტებად შეაფასეს.