18, სექტემბერი 2017 20:05:00
ოჩხამურის მოსახლეობა ქობულეთის მუნიციპალიტეტის წინააღმდეგ. პირველი სასამრთლო პროცესი უკვე შედგა. სასამართლოს დღეს დაცვის მხარემ სარჩელთან დაკავშირებული მტკიცებულებები წარუდგინა ფოტომასალის სახით, ასევე, გადაწყდა, რომ სასმართლო პროცესებში დაცული ტერიტორიების სააგენტოც ჩაერთვება. გაერთიანებული სარჩელით სასამართლოს ათმა ოჯახმა რვა თვის წინ მიმართა. სასარჩელო მოთხოვნა შემდეგია: დაევალოს ქობულეთის გამგეობას, გაწმინდოს სანიაღვრე არხები დაბა ოჩხამურის ტერიტორიაზე. როგორც მოსარჩელეები აცხადებენ, გაუწმენდავი არხების გამო ადგილობრივები მუდმოვად იტბორებიან, ასევე იტბორება საძოვრები და ყანები. მათივე განცხადებით, გაუწმენდავი სანიაღვრე არხების გამო პრობლემა 2012 წლიდან აქვთ, სხვადასხვა ინსტანციაში კი მოთხოვნას ამავე პერიოდიდან აყენებენ, თუმცა უშედეგოდ. მომდევნო სხდომის თარიღი ჯერ უცნობია, საქმეს ჯუმბერ თავართქილაძე განიხილავს.