17, ოქტომბერი 2017 14:11:00
ძლიერმა ქარმა ბათუმის სახელმწიფო უნივერსიტეტის ახალ კორპუსს სახურავი გადახადა. შემთხვევა გუშინ, ღამის 12-ის ნახევარზე მოხდა. თუმცა სასწავლო პროცესი უნივერსიტეტში დილით ჩვეულ რეჟიმში განახლდა. შენობაში არც წყალს ჩაუღწევია და არც ინვენტარი დაზიანებულა. რექტორი ამ ეტაპზე ზარალის ოდენობას ვერ აზუსტებს. მერაბ ხალვაშის განცხადებით, დაზიანებულია სახურავის 40 პროცენტი. მისივე თქმით, სარეაბილიტაციო სამუშაოები გამოდარებისთნავე დაიწყება. თანხა მთავრობის სარეზერვო ფონდიდან გამოიყოფა, რის შემდეგაც გამარტივებული ტენდერი გამოცხადდება. სახურავის შეკეთებას, უნივერსიტეტის რექტორის განცხადებით, დაახლოებით 50-60 ათასი ლარი დაჭირდება.
1
s
s
s