01, თებერვალი 2017 11:20:00
ვაჟა-ფშაველას # 26 ნომერში ძეგლტა დაცვის ზონაში არსებული სახლი აღარ დაინგრევა - გადაწყვეტილება ზონირების საბჭომ უკვე მიიღო. ლაშა ასლანიშვილის თქმით, პროექტი, რომელიც მშენებელმა კომპანიამ წარმოადგინა ქუჩის არქიტექტურას არ შეესაბამებოდა. ასევე შეუსაბამო იყო საპროექტო დოკუმენტაციაც, რომელიც კულტურული მემკვიდრეობის დაცვის ზონაში არსებული შენობების იერსახეს ცვლიდა. ვაჟა-ფშაველას #26 ნომერში ორსართულიანი სახლის სანაცვლოდ შპს „აქსიო გრუპ ბათუმი“ , მრავალსართულიანი სასტუმრო კომპლექსის აშენებას გეგმავდა. კომპანიის წარმომადგენლებმა დღეს ჩვენს სატელეფონო ზარებს არ უპასუხეს.