28, დეკემბერი 2017 17:04:00
27 მილიონ 949 ათას 700 ლარი - ქობულეთის 2018 წლის ბიუჯეტი დამტკიცდა. როგორც ქალაქის მერმა განმარტა, თანხები ძირითადად ინფრასტრუქტურული მიმართულებით დაიხარჯება. მირიან ქათამაძის განცხადებით, ბიუჯეტი პირველად პროექტთან შედარებით დაახლოებით 2 მლნ 246 ათასი ლარითაა გაზრდილი. თანხები დაემატა ინფრასტრუქტურის ნაწილში, კერძოდ კაპიტალურ პროექტებზე. გაიზარდა სტიქიის სალიკვიდაციო და ბობოყვათის წყლის სათავე ნაგებობის სარეაბილიტაციო სამუშაოების დაფინანსება. მერის განმარტებით, იგეგმება მდინარეებზე ნაგავშემკრები აპარატების შეძენა და დამონტაჟება. მომავალი წლის მთავარ ფინანსურ დოკუმენტს ოპოზიციამ მხარი არ დაუჭირა.