06, თებერვალი 2018 14:05:00
ბათუმის 31 საბავშვი ბაღში გარე ფასადის დაზიანება დღეს "ერთიანი ნაციონალური მოძრაობის" პროტესტის მიზეზი გახდა. ნოდარ დუმბაძის განცხადებით, რეაბილიტირებული შენობა 2015 წელს გაიხსნა, რისთვისაც ადგილობრივი ბიუჯეტიდან 921 ათას 632 ლარი დაიხარჯა, ფასადი კი მალევე დაზიანდა. ოპოზიცია მერიას უყურადღებობაში ადანაშაულებს. შენობის ფასადი ძლიერი ქარის შედეგად რამდენიმე თვის წინ დაზიანდა. საკითხზე ბათუმის მერიაში კომენტარი არ გაკეთდა. საბავშვო ბაღების გაერთიანებაში კი განმარტეს, რომ პრობლემის აღმოფხვრა ზაფხულში დაიწყება. ამ მიმართულებით თანხები ბიუჯეტში უკვე გათვალისწინებულია. # 31 საბავშვო ბაღში 350 აღსაზრდელი ირიცხება.