14, მარტი 2018 14:06:00
ბათუმის სხვადასხვა ქუჩაზე ახალი მოსაცდელების მონტაჟი დაიწყო, რომელიც შშმ პირთათვის ადაპტირებული არ არის. ტენდერში გამარჯვებულმა კომპანიამ პირობები დაარღვია და პროექტით გათვალისწინებული მოსაცდელების ნაცვლად, სხვა დიზაინის კონსტრუქციები განათავსა. პირობის თანახმად, მოსაცდელს უკანა მხრიდან უნდა ჰქონოდა ღია სივრცე, რაც ეტლით მოსარგებლეს ტროტუარიდან მოსაცდელში შესვლას გაუადვილებდა. შპს "ალმამ" ქალაქის მასშტაბით სულ 50 მოსაცდელი დაამონტაჯა. ბათუმის მერიაში განმარტეს, რომ კომპანიას ხარვეზების გამოსწორებას მოთხოვენ.