20, თებერვალი 2017 20:27:00
აჭარის გარემოს დაცვის სამმართველოს ხელმძღვანელის პოსტი კვლავ ვაკანტურია. ვინ დაიკავებს აღნიშნულ თანამდებობას? აჭარის მთავრობის თავმჯდომარე კონკრეტულ სახელსა და გვარს ამჯერადაც არ ასახელებს. ზურაბ პატარაძე ირწმუნება, რომ მოლაპარაკებები ბოლო ეტაპზეა გადასული და უფროსის პოსტზე ხელმძღვანელს საზოგადოებას უახლოეს დღეებში წარუდგენს. შეგახსენებთ, რომ აჭარის გარემოს დაცვის სამმართველოს ხელმძღვანელის თანამდებობა გასული წლის სექტემბერიდან ვაკანტურია. პოსტზე მოვალეობას ამ დრომდე ყოფილი ხელმძღვანელის მოადგილე ჯემალ ნაკაშიძე ასრულებს.