24, თებერვალი 2017 20:33:00
შინაგან საქმეთა სამინისტროს აკადემიის რექტორი ბათუმის 25 ე საჯარო სკოლის მოსწავლეებს შეხვდა. შეხვედრა შინაგან საქმეთა და განათლების სამინისტროების ერთობლივი პროექტის ,,შენი მომავალი-შსს აკადემია“ ფარგლებში შედგა. შსს აკადემიის რექტორმა გივი მიქანაძემ სკოლის დამამთავრებელი კლასების მოსწავლეებს, აკადემიის სასწავლო პროგრამებისა და ინფრასტრუქტურული შესაძლებლობების შესახებ ინფორმაცია მიაწოდა. შეხვედრაზე პოლიციელისა და მესაზღვრის მნიშვნელობაზეც ისაუბრეს. მოსწავლეები მიიჩნევენ, რომ აღნიშნული პროექტის ფარგლებში მიღებული ინფორმაცია, მათ პროფესიის შერჩევაში დაეხმარება.