09, ოქტომბერი 2018 14:09:00
გაერთიანებული ოპოზიციის წარმომადგენელი სავარაუდო კორუფციულ გარიგებაზე საუბრობს. საქმე ამჯერად გიორგი გველესიანის მიერ გადარიცხულ თანხას ეხება. მირდატ ქამადაძის განცხადებით, 60 ათასი ლარი გველესიანმა „ქართულ ოცნებას“ 2016 წელს შესწირა. მიმდინარე წელს კი იგივე რაოდენობის თანხა სალომე ზურაბიშვილისითვის გადარიცხა. როგორც ქამადაძე აღნიშნავს, გველესიანი შპს „ვესტ ინვესტის“ დამფუძნებელია. აღნიშნულმა კომპანიამ კი გასულ წელს, აჭარის ფინანსთა და ეკონომიკის სამინისტროსგან, პირდაპირი მიყიდვის წესით 3 508 კვ.მ მიწის ნაკვეთი შეიძინა. ქამადაძის თქმით, ფართობი გიორგი გველესიანმა 525 ათას დოლარად იყიდა, რაც იმ ტერიტორიისთვის საკმაოდ დაბალი ფასია.