24, ოქტომბერი 2018 20:05:00
ქუჩები მოსაცდელების გარეშე. გორგასალისა და ფარნავაზ მეფის ქუჩებზე კონსტრუქციები ქვეითებისთვის არასდროს არ ყოფილა. მიუხედავად იმისა, რომ მერიაში პრობლემის არსებობას ადასტურებენ, ვერ აკონკრეტებენ- როდის მოხერხდება საკითხის გადაჭრა. არადა ქაოტური მოძრაობის გამო ქვეითების სიცოცხლეს საფრთე ემუქრება, ავტოსატრანსპორტო საშუალებები კი საცობებს ქმნიან. სად უნდა ველოდოთ მიკროავტობუსებს?
მგზავებს მიკროავტობუსებზე ლოდინი, ასე ღია ქუჩაში უკვე წლებია უწევთ. ვახტანგ გორგასალისა და ფარნავაზ მეფის ქუჩებზე კონსტრუქციები მოწყობილი არასდროს ყოფილა. აქ ვერც მონიშნულ ტერიტორიებს შეხვდებით, სადაც სამარშრუტო ტაქსები გაჩერებას და მგზავრების აყვანას შეძლებენ. სატრანსორტო საშუალებები ძირითადად სავალ ნაწილზე, ქაოტურად აჩერებენ.
საკითხი წლებია მოუგვარებელია. სამარშუტო ხაზი აღნიშნულ ქუჩებზე ბარათაშვილიდან გრიბოედოვის მონაკვეთამდე გრძელდება. პრობლემა აწუხებს როგორც მიკროავტობუსების მძღოლებს ასევე, მგზავრებს. ამბობენ რომ განსაკუთრებით რთული მდგომარეობა წვიმიან ამინდში იქმნება. ქვეითები მიკრო ავტობუსებს გზის სავალ ნაწილზე ელოდებიან, რაც მათივე თქმით, საფრთხის შემცვლელია.
რატომ არ არის ფარნავაზ მეფისა და ვახტანგ გორგასალის ქუჩებზე ქვეითთა მოსაცდელები და იგეგმება თუ არა აქ კონსტრუქციების განთავსება ? - მერიაში განმარტეს რომ ტერიტორიების მონიშვნა უახლოეს პერიოდში უნდა დაიწყოს. რაც შეეხება მოსაცდელების მოწყობას, ემზარ ქავჟარაძე ობიექტების განთავსების პერიოდს ვერ აკონკრეტებს.
ფარნავაზ მეფისა და ვახტანგ გორგასალის ქუჩებზე 21, 32, 36, 29, 24, 31, 47 და 34 ნომერი მიკროავტობუსები მოძრაობს.