28, ოქტომბერი 2018 12:14:00
მცირე ინციდენტს ჰქონდა ადგილი ბათუმის მე-9 საარჩევნო უბანზე. „ერთიანი ნაციონალური მოძრაობის“ წევრების მტკიცებით, ტერიტორიაზე მობილიზებული იყო ადამიანები, რომლებსაც თან სიები ჰქონდათ და ფულს არიგებდნენ. ოპოზიციის ინფორმაციით, აღნიშნული პირები მერიის სხვადასხვა სამსახურის თანამშრომლები არიან. ადგილზე მყოფი მოქალაქეები ჩვენთან საუბარში კატეგორიულად უარყოფენ ბრალდებას. აცხადებენ, რომ სანდასუფთავების სამსახურს თანამშრომლების სია ჰქონდა, სადაც დასაქმებულების ნომრები ეწერა. ამბობენ რომ ტერიტორია დასასუფთავებელი იყო, ფურცელზე კი მორიგეობის განრიგი და საკონტაქტო ინფორმაცია ჰქონდათ მითითებული. მოქალაქეებმა ნაციონალური მოძრაობა ძალადობაში დაადანაშაულა.
შს სამინისტროს ცნობით, ბათუმის საქალაქო სამმართველოში დაიწყო გამოძიება 162-ე პრიმა მუხლის პირველი ნაწილით გათვალისწინებული დანაშაულის შესაძლო ჩადენის ფაქტზე, რაც კენჭისყრის მიმდებარე ტერიტორიაზე ცემას ან სხვაგვარ ძალადობას გულისხმობს