ყოველდღიური პრობლემის წინააღმდეგ ბრძოლა 180 ლარიანი პენსიითა და ჯანმრთელობის პრობლემებით. ხანდაზმული, რომელიც მეზობლების იმედად ცხოვრობს. რატომ მოუხსნა სახელმწიფომ დახმარება 79 წლის მარტოხელა რეზო აბულაძეს?
79 წლის რეზო აბულაძე გვიყვება, რომ 2011 წელს სიმსივნით დაავადებული ცოლის გადასარჩენად სახლი იპოთეკით დატვირთა. მცდელობის მიუხედავად საცხოვრებელთან ერთად მეუღლეც დაკარგა. მისივე სახლში ქირით ყოფნის საფასურად დღეს უკვე მევახშეს 250 ლარს უხდის. რეზო ბაბუს ერთადერთი შემოსავალი 180 ლარიანი პენსიაა, რითიც მევალეს ვერ ისტუმრეს. ვალისა და კომუნალური გადასახადების დაფარვაში მას ახლობლები ეხმარებიან.
რეზო აბულაძე გვიყვება, რომ ცხოვრება გაუსაძლის პირობებში უწევს. იმის გამო, რომ პროდუქტის შესაძენად ფული არააქვს, ხშირად მშიერს უწევს დაძინება. მოხუცი მეზობლების იმედადაა დარჩენილი.
ჩამტვრეული მინები, დაზიანებული ჭერი და კედლები- ასე გამოიყურება მარტოხელა მოხუცის საცხოვრებელი. როგორც რეზო აბულაძე გვიყვება, ჯანმრთელობის პრობლემები აქვს. იგი განსაკუთრებულ მოვლას საჭიროებს.
რეზო აბულაძის მდგომარეობას გაეცნენ „გაერთიანებული ოპოზიციის” წარმომადგენელი. ლევან ანთაძის ინფორმაციით, რეზო აბულაძეს სოციალური დახმარება ჯამრთელობის მდგომარეობის გაუარესების გამო მოუხსნეს. ამბობს, რომ მსგავსი ქმედება მოქმედი ხელისუფლების პირობებში არ უკვირს.
სოციალური მომსახურების სააგენტოში ოპოზიციის ბრალდებას უარყოფენ. აქ განმარტეს, რომ მოხუცის ჯანმრთელობის მდგომარეობა დახმარების მოხსნის მიზეზი არ ყოფილა.
რეზო აბულაძემ სოციალური მომსახურების სააგენტოს განმეორებითი შემოწმების მიზნით 2019 წლის სექტემბერში უნდა მიმართოს.
11
s
s
s