18, დეკემბერი 2018 14:05:00
შავი ზღვის ეკვატორიაში სამეცნიერო კვლევები იწყება. სამეცნიერო გემი ბათუმის ნავსადგურში დღეს, შემოვა და 8 დღის განმავლობაში სარფიდან ანაკლიამდე ზღვის მდგომარეობას, თევზების სახეობასა და წყალქვეშა ბინადრების სავარაუდო რაოდენობას გამოიკვლევენ. მონაცემები სამომავლოდ მეთევზეობის განვითარებას შეუწყობს ხელს. კვლევებზე უცხოელ მეცნიერებთან ერთად, ქართველი სპეციალისტებიც იმუშავებენ, რაც მათ ისეთ გამოცდილებას მისცემს, რომ სამომავლოდ კვლევების განხორციელება დამოუკიდებლად შეძლონ. თურქული გემი ხმელთაშუაზღვის თევზჭერის კომისიის ეგიდით შემოდის.