ხელვაჩაურის საკრებულოს თავჯდომარის მრჩევლად მერის ყოფილი მოადგილე დაინიშნა. ზვიად ხალვაში, რომელმაც პოსტი სავარაუდოდ აუდიტის მიერ აღმოჩენილი დარღვევის გამო დატოვა, ისევ ხელმძღვანელ პოზიციაზე მოხვდა. რის გაკეთებას აპირებს იგი ახალ თანამდებობაზე და ზოგადად, შეცვლის თუ არა ჯამს შესაკრებთა გადანაცვლება?
ზვიად ხალვაშმა შეთავაზება ნადიმ ვარშანიძისგან მიიღო. ამბობს, რომ ხელვაჩაურის საკრებულოს მერიასთან ურთიერთობაში დაეხმარება და თავჯდომარეს შესაბამის რჩევებსაც მისცემს.
ოპოზიციაში ამბობენ, რომ საკრებულოს თავმჯდომარე და მუნიციპალიტეტის მერი ხალვაშთან ვალში იყო და წინა თანამდებობის დაკარგვის ასანაზღაურებლად დაასაქმეს.
მესამე სექტორისთვის გაუგებარია, რა საკითხებში გაუწევს კონსულტაციებს საკრებულოს ზვიად ხალვაში და რატომ დადგა მისი ამ თანამდებობაზე დასაქმების საჭიროება. „დემოკრატიის ინსტიტუტის“ აღმასრულებელი დირექტორის თქმით, პროცესის გაჭვირვალობა აუცილებელია.
მმართველ გუნდში ზვიად ხალვაშის ხელახლა დასაქმების მიზნობრიობის გამართლებას ცდილობენ და ოპოზიციის ბრალდებას უსაფუძვლოს უწოდებენ.
ხელვაჩაურის მერი ხალვაშის უშტატო თანამდებობაზე დანიშვნაში გასაკვირს ვერაფერს ხედავს. აქვთ თუ არა საკრებულოსა და მერიას ურთიერთობის პრობლემა და რატომ დაასაქმეს მერის ყოფილი მოადგილე ? გადაწყვეტილებას მუნიციპალიტეტის პირველი პირი ასე ხსნის:
ნადიმ ვარშანიძეს არ აინტერესებს ოპოზიცია რას იტყვის. საკრებულოს თავმჯდომარე გვარწმუნებს, რომ სჭირდებოდა თანაშემწე, თუმცა ამ ეტაპზე დაზუსტებით არ იცის რა ნაწილში დასჭირდება მრჩევლის დახმარება.
ზვიად ხალვაშმა ხელვაჩაურის მერის მოადგილის თანამდებობა 26 თებერვალს დატოვა, რის მიზეზიც სავარაუდოდ, სახელმწიფო აუდიტის სამსახურის მიერ დადებული დასკვნა გახდა, რომლის მიხედვითაც მუნიციპალიტეტის მიერ განხორციელებულ პროექტებში ხარვეზები დაფიქსირდა.
9
s
s
s