ენვერ ირემაძის, ჯემალ ბათაძის, რუსუდან ჯავახიშვილისა და მზევინარ ლამპარაძის სარჩელი ბათუმის საქალაქო სასამართლომ დააკმაყოფილა. შესაბამისად მოსამართლემ ბათილად ცნო გასულ წელს საკრებულოს მიერ მიღებული აქტები, რომლის თანახმად გონიოს მცხოვრებლები მიწის საკუთრებაში აღიარებას ვერ ახერხებდნენ. დღეს სასამართლოს მიერ მიღებული გადაწყვეტილების თანახმად ბათუმის მიწის აღიარების კომისიას დაევალა ხელახლა შეისწავლოს გონიოელებისათვის მიწის საკუთრებაში გადაცემის საკითხი და თითოეული მათგანის მოთხოვნა ინდივიდუალურად განიხილოს. ანალოგიური მოთხოვნით სასამართლოს კიდევ 60-მა ოჯახმა მიმართა. სასამართლო მათ სარჩელზე გადაწყვეტილებას 27 აპრილს გამოაცხადებს. გონიოელების ინტერესს სასამართლოში „საერთაშორისო გამჭვირვალობა საქართველო“ იცავს.
1
s
s
s