19, აპრილი 2017 20:05:00
პაატა ქობულაძე საქართველოს მთავრობის წინააღმდეგ. ამ სარჩელზე საკონსტიტუციო სასამართლომ გამწესრიგებელი სხდომა განაახლა. დღევანდელ პროცესზე სასამართლო ექსპერტებს თბილისის მერიის ზედამხედველობისა და არქიტექტურის სამსახურის წარმომადგენლებს უსმენს. გასაჩივრებულია მთავრობის 2009 წლის 24 მარტის 57-ე დადგენილების ის ნაწილი, რომელიც მშენებლობის ნებართვის გაცემის წესს არეგულირებს. მოსარჩელე ამბობს, რომ დაინტერესებულ პირს სხვადასხვა მიზეზით მშენებლობის ნებართვას არ აძლევენ, უნებართვოდ განხორციელებული მშენებლობისთვის შესაბამისი მუნიციპალური სამსახური პირს ჯარიმას აკისრებს, თანხის გადახდით კი სამშენებლო ნორმების დარღვევა ბათილდება. მოსარჩელე აღნიშნავს, რომ ეს არაკონსტიტუციურია და ზღუდავს საკუთრების უფლებას. საქმეს პირველი კოლეგია განიხილავს.