20, აპრილი 2017 20:07:00
ხმაური მეექვსე საბავშვო ბაღში. მშობლები ერთ-ერთ ჯგუფში ძიძისა და პედაგოგის შეცვლას აპროტესტებენ. ამტკიცებენ, რომ ბავშების ძველ პედაგოგს იყვნენ შეჩვეული, ახალთან კი შეჩვევა უჭირთ. ისინი ბავშვების ფსიქოლოგიურ მდგომარეობაზე ამახვილებენ ყურადღებას და აცხადებენ, რომ ბოლო რამდენიმე თვის განმავლობაში ძიძა უკვე მეხუთედ შეეცვალათ. ადგილზე რამდენიმე წუთში ბაღების გაერთიანების ხელმძღვანელი და იურისტიც მივიდნენ. მოლაპარაკების შემდეგ მხარეები შეთანხმდნენ, რომ მიმდინარე სასწავლო წლის დასრულებამდე ჯგუფში, როგორც ძველი ასევე ახალი ძიძა ერთდროულად იმუშავებს.