20, აპრილი 2017 17:13:00
ამ წუთებში პრეზიდენტი ბათუმის დემოკრატიული ჩართულობის ცენტრში სხვადასხვა პოლიტიკური პარტიებისა და მესამე სექტორის წარმომადგენლებს ხვდება. შეხვედრის დაწყებამდე ქვეყნის პირველ პირს რეგიონში მცხოვრები იპოთეკარები შეხვდნენ და მათ გასულ წელს მიღებული დაპირების შესრულება შეახსენეს. საბანკო სესხით დაზარალებულების განცხადებით, 2016 წლის მაისში გიორგი მარგველაშვილმა პრობლემის მოსაგვარებლად შესაბამის უწყებებთან შუამდგომლობას დაჰპირდა, თუმცა ამ დრომდე არაფერი შეცვლილა. საქართველოს პრეზიდენტმა მათ განუმარტა, რომ საკითხზე მუშაობა აქტიურად მიმდინარეობს.