24, აპრილი 2017 17:11:00
უსაფრთხოების ღვედის არ ქონის გამო, გუშინ დაკავებული მერაბ ღოღობერიძის საქმეზე მსჯელობა ბათუმის საქალაქო სასამართლომ ღოღობერიძის გამოუცხადებლობის გამო ვერ შეძლო და პროცესი გადადო. ღოღობერიძე პოლიციელმა მეგი ხუნწარიამ დააკავა. ეს ის თანაშრომელია, რომელმაც 11 მარტს საპროტესტო აქციაზე მოქალაქე რამაზ ხიმშიაშვილი არასწორი პარკირებისთვის გააჩერა, სასამართლო პროცესზე კი მოქალაქის მხრიდან სიტყვიერი შეურაცხყოფის ფაქტი უარყო და მეწყვილის საწინააღმდეგო ჩვენება მისცა. გუშინ სასამართლო პროცესზე ღოღობერიძე შეუძლოდ გახდა, რის გამოც სამედიცინო დაწესებულებაში გადაიყვანეს. იქ კი, ადვოკატის მტკიცებით, მისი დაცვის ქვეშ მყოფი უკვე სისხლის სამართლის მუხლით დააკავეს. გამოძიება მას 11 მარტის აქციების ორგანიზებას ედავება. ბრალი ჯერ ოფიციალურად წაყენებული არ აქვს.