22, მაისი 2017 20:11:00
გონიოელების ათწლიანი ბრძოლა მიწის საკუთრების მოპოვებასთან დაკავშირებით 6 ივნისს უნდა დასრულდეს. დღეს ბათუმის საქალაქო სასამართლოში 50 პირის სარჩელთან დაკავშირებით საქმის არსებითი განხილვა დასრულდა. ადგილობრივები გასული წლის 27 ივნისისა და 16 სექტემბრის ბათუმის მიწის აღიარების კომისიის მიერ გამოცემული აქტების გაბათილებას და ინდივიდუალური სამართლებრივი აქტების გამოცემას ითხოვს. კიდევ ერთი სასარჩელო მოთხოვნით, ახალ აქტებში უნდა ჩანდეს დასაბუთებაც, თუ რატომ ეთქვა უარი, ან აღუდგა საკუთრების უფლება კონკრეტულ ოჯახებს. მიწის საკუთრების აღიარების კომისიის გადაწყვეტილებით, 271 ოჯახიდან მიწაზე საკუთების უფლება 107 ოჯახს აღუდგა, საიდანაც რეგისტრაცია მხოლოდ 18-მა შეძლო.