24, მაისი 2017 17:04:00
ფერმერული კოოპერატივების შექმნის უპირატესობებზე ისაუბრეს დღეს აჭარის სავაჭრო-სამრეწველო პალატაში. სადისკუსიოდ ფერმერი ქალები რეგიონის თითქმის ყველა მუნიციპალიტეტიდან შეიკრიბნენ. შეხვედრაზე საჭიროებები და პრობლემებიც გამოკვეთეს. ყურადღება გაამახვილეს პროფკავშირების გაძლიერებაზეც. იმ ფერმერებმა, რომლებმაც წარმოებული პროდუქტის ევროპაში გატანა უკვე შეძლეს, კოლეგებს გამოცდილება გაუზიარეს. შეხვედრა საქართველოს ფერმერთა და სოფლის მეურნეობის მუშაკთა პროფესიული კავშირისა და „ფერმერ ქალთა ასოციაციის“ ორგანიზებით შედგა.