24, მაისი 2017 20:03:00
ხელვაჩაურის ახალგაზრდობის ცენტრში შეზღუდული შესაძლებლობის მქონე პირთა მშობლებს საქართველოს პირველი ლედი და კოალიცია „მოძრაობა ცვლილებების“ წარმომადგენლები შეხვდნენ. მაკა ჩიჩუამ მშობლების პრობლემები მოისმინა და შესაბამის ორგანოებთან შუამდგომლობას დაჰპირდა. შეხვედრაზე შშმ პირთა მიმართ არსებული სტიგმის დაძლევასა და სერვისების გაფართოებაზეც ისაუბრეს. საინფორმაციო შეხვედრები „მშობელთა თემის მობილიზება და გაძლიერება ქვეყნის მასშტაბის“ ფარგლებში სულ 5 მუნიციპალიტეტში გაიმართა.