16, ივნისი 2017 17:12:00
ანგისის სპორტული ბაზის მშენებლობა გრძელდება. ამ ეტაპზე მოედნების მოწყობა მიმდინარეობს. პროექტის ფარგლებში ორი ბუნებრივი და ხელოვნურსაფარიანი მოედნები გაკეთდება. პარალელურად ბორდიურების და ქვაფენილის დაგება მიმდინარეობს. სარეაბილიტაციო სამუშაოებს აჭარის მთავრობის თავმჯდომარე ბათუმის მერთან ერთად გაეცნო. გიორგი ერმაკოვი ირწმუნება, რომ მშენებლობის პროცესი წლის ბოლომდე დასრულდება. მოედანი 1575 მაყურებელზე იქნება გათვლილი. ანგისის სპორტული ბაზის მშენებლობა 2015 წელს დაიწყო. სამუშაოები გასულ წელს უნდა დასრულებულიყო, თუმცა მშენებელი კომპანიის მიერ ვალდებულებების შეუსრულებლობის გამო, მერიამ ტერიტორიის მოსაწყობად განმეორებითი ტენდერი გამოაცხადა. სპორტული ბაზის მშენებლობის ღირებულება 4 116 170 ლარია.