08, მარტი 2021 20:15:00
დანაშაულის არასწორი კვალიფიკაცია - ეს ერთ-ერთი უპირველესი მიზეზია, რის გამოც ქალთა მიმართ ძლადობის შემთხვევები არ იკლებს. ასე არასამთავრობო სექტორში მიიჩნევენ. მათივე შეფასებით, პრობლემაა, გაჭიანურებული გამოძიებებიც. 2020 წლის 9 თვის მონაცემებით, საქართველოში 19 ქალია მოკლული, ხოლო 20 ქალის მკვლელობის მცდელობაა ჩადენილი. ეს ოფიციალური სტატისტიკაა. ბევრი, თვითმკვლელობამდე, ან სუიციდის მცდელობამდე მიდის. რა ქმნის გენდერულ ჭრილში უთანასწორო გარემოს, რის გამოც დანაშაულმა განსაკუთრებით არასრულწლოვნების მიმართ იმატა. ია გოლიაძე მუშაობდა თემაზე.
3 წლიანი თანაცხოვრების შემდეგ მეუღლეს იმ მიზეზით დაშორდა, რომ კაცმა მასზე სისტემატიური ძალადობა დაიწყო. ძალადობდა მხოლოდ იმის გამო, რომ ქალი იყო. გენდერული ნიშნით ჩაგვრას პარტნიორი დღემდე განაგრძობს, თუმცა იმის გამო, რომ გოგოს სტერეოტიპები აშინებს, სამართალდამცავებს ვერ მიმართავს. ამბობს, რომ ნდობა აღარც პოლიციის მიმართ შემორჩა. 21 წლის ქალი ანონიმურად დარჩენას იმ მიზეზით გვთხოვს, რომ ვინაობის გამხელის რცხვენია.
სექსუალური ძალადობის შემთხვევები წინა წელთან შედარებით, 2021 წლის მონაცემებით, 5 პროცენტით გაიზარდა. ქალთა უფლებრივი მდგომარეობის შესახებ შეფასება „საქართველოს ახალგაზრდა იურისტთა ასოციაციამ“ გამოაქვეყნა. საიას შეფასებით, სექსუალური დანაშაულის მძიმე შემთხვევების მსხვერპლები ძირითადად არასრულწლოვნები, 16 წლამდე გოგონები არიან. მესამე სექტორის შეფასებით, პრობლემურია გამოძიება და დანაშაულის სწორი კვალიფიკაცია.
არასრულწლოვნების მიმართ ჩადენილი სექსუალური ძალადობის მოჭარბებულ ფაქტებზე საუბრობენ კიდევ ერთ არასამთავრობო ორგანიზაციაში. ფონდ „იალქანის“ ხელმძღვანელი ამბობს, რომ ციფრები განსაკუთრებით პანდემიის პირობებში გაიზარდა. თიკო აბაშიძე ამას რამდენიმე მიზეზით ხსნის:
აღსულების ნაწილში არსებულ ხარვეზებსა და სანდოობის განცდის არარსებობას ხაზს უსვამენ კიდევ ერთ არასამთავრობო ორგანიზაციაში. „საფარის“ იურისტი ამბობს, რომ სუსტი კანონმდებლობის გარდა პრობლემა სახელმწიფოს მხრიდან გამოძიების დასრულების ნების არქონაა. თამარ ლუკავა მიიჩნევს, რომ განსაკუთრებით ჭიანურდება მსხვერპლისთის სტატუსის მინიჭება და სავარაუდო დამნაშავე პირის დევნის დაწყება, რაც საბოლოო ჯამში გენდერულ ჭრილში უთანასწორო გარემოს ქმნის.
2020 წლის 9 თვის მონაცემებით, საქართველოში 19 ქალია მოკლული, ხოლო 20 ქალის მკვლელობის მცდელობაა ჩადენილი ოჯახის წევრის, ყოფილი მეუღლისა თუ პარტნიორის მიერ.