21, სექტემბერი 2017 14:07:00
"ერთიანი ნაციონალური მოძრაობის" ლიდერმა ჯავახიშვილის საარჩევნო ოქლში პარტიის მაჟორიტარობის კანდიდატი ნოდარ დუმბაძე წარადგინა. ლევან ვარშალომიძე ლერმონტოვის ქუჩაზე ბათუმის მერობის კანდიდატთან, ლევან ანთაძესთან ერთად მივიდა, მოსახლეობას პროგრამა გააცნო და მაჟორიტარობის კანდიდატის მხარდაჭერისკენ მოუწოდა. ტერიტორიაზე მცხოვრებლები ინფრასტრუქტურული პრობლემების მოგვარებას და ბაღის მშენებლობას ითხოვენ. ნოდარ დუმბაძის განცხადებით, უბნის პრობლემებს იცნობს და გამარჯვების შემთხვევაში ბიუროკრატიული ხარჯების შემცირებისა და ინვესტიციების განხორციელების ხარჯზე მოაგვარებს.