22, სექტემბერი 2017 17:02:00
"ერთიანი ნაციონალური მოძრაობის" წევრები ირწნუნებიან, რომ ზედა სარფში უკანონო მშენებლობა მიმდინარეობს. ოპოზიციის მტკიცებით, მშენებლობაზე შესაბამის უწყებებს ნებართვა გაცემული არ აქვს, თუმცა მიწის მეპატრონემ ტერიტორიაზე პროცესი ორი თვის წინ დაიწყო. სასტუმრო კომპლექსის საძირკველი უკვე ჩაყრილია. როგორც ირკვევა, მიწა ამჟამინდელმა მფლობელმა აუქციონის წესით შეიძინა. მიშა ბოლქვაძე რეგიონის ხელისუფლებას რეაგირებისკენ მოუწოდებს. თემაზე საპასუხო კომენტარს "მაცნეს" რეპორტიორი ამ დრომდე ელოდება. ბათუმის მერიაში და ხელვაჩაურის მუნიციპალიტეტის გამგეობაში ჯერ ვერ გაარკვიეს ტერიტორია რომელი უწყების ფარგლებში შედის. შესაბამისად მათი პოზიცია ჩვენთვის უცნობია.