06, ოქტომბერი 2017 14:07:00
ბათუმის შემოსასვლელში, პორტის მიმდებარედ, ესტაკადის მშენებლობის მიზნით ელექტრონული ტენდერი გამოცხადდა. აჭარის ფინანსთა და ეკონომიკის სამინისტრო სატრანსპორტო კვანძის მოწყობისთვის 15 297 410 ლარს დახარჯავს. წინადადებების მიღება მიმდინარე წლის 14 ოქტომბერს დაიწყება და 17 ოქტომბერს დასრულდება. სატენდერო პირობების მიხედვით, ტენდერში გამარჯვებულმა კომპანიამ მშენებლობა ხელშეკრულების გაფორმებიდან 320 დღეში უნდა დაასრულოს. პროექტი, რომლის მიხედვითაც ესტაკადა უნდა აშენდეს, შპს „აიდიემს“ ეკუთვნის.