10, ოქტომბერი 2017 20:06:00
,,საერთაშორისო გამჭვირვალობა საქართველო“ ბათუმის მერიის მიწის საკუთრების უფლების აღიარების კომისიას პროკურატურაში უჩივის. როგორც არასამთავრობო ორგანიზაციის წარმომადგენლები აცხადებენ, კომისია სასამართლოს მიერ 31 მარტისა და 6 ივნისს გამოტანილ განჩინებას არ ასრულებს, რის საფუძველზეც კომისიის თავმჯდომარისა და წევრების მიმართ სისხლის სამართლის პასუსმგებლობა უნდა დადგეს. ბრალდებას არ იზიარებს მიწის საკუთრების უფლების აღიარების კომისიის თავმჯდომარე. დავით კოპინაძე ამტკიცებს, რომ კომისია საკითხებს სწავლობს და მიმდინარე კვირაში შეიკრიბება. კოპინაძის მტკიცებით, ისინი კულტურული მემკვიდრეობის სააგენტოს წერილს ელოდებიან.