16, ოქტომბერი 2017 17:03:00
ხანძრის შედეგად, სოფელ ლეღვაში, 5 წევრიანი ოჯახის საცხოვრებელი სახლი დაიწვა. ცეცხლი ჯინჭარაძეების სახლს გვიან ღამით გაუჩნდა, რის შედეგადაც მთლიანადაა დამწვარი ორივე სართული. განადგურებულია ნივთები. ოჯახი თავს ამ დრომდე მეზობელთან აფარებს. მაყვალა კონცელიძის თქმით, ცეცხლი ღამის 3 საათზე შენიშნა. იმ დროისთვის ოჯახის ხუთივე წევრი სახლში იმყოფებოდა. მისივე მტკიცებით, სახანძრო მანქანები ადგილზე ერთი საათის დაგვიანებით მივიდნენ. ქობულეთის გამგეობაში აცხადებენ, რომ ჯინჭარაძეების ოჯახის შესწავლა უახლოეს დღეებში დაიწყება, მანამდე კი მათი ქირით გაყვანა იგეგმება.